تكنولجيا دولة "DELL"
شركة Dell عملت تابلت كمان ينافس في المجال ده و هو (Dell venue 7000 series )
الجهاز جاي منه نسختين بحجمين مختلفين
الأول ياتي بشاشة 8.4 انش و التاني بحجم 10.5 انش
تصميم الجهازين مختلف شويه عن اللي احنا متعودين عليه مع ان فيه حاجات كويسه شبه اللي بنلاقيها في اجهزه دلوقتي زي مثلا ان التابلت مصنوع من الالومنيوم و الزجاج بتصميم رائع حيث ان سماكة الجهاز هي بس 6 مللي و ده شئ خرافي بالنسبه لنسخه 8.4 الحواف حوالين الشاشه صغيره جدا و ده اللي مخلي شركة Dell تقول علي الشاشه edge to edge display و السماعات اللي في الجهاز ستريو و في الجهه الاماميه من الجهاز و ده اللي هيخليك تستمتع جدا بصوت الجهاز و مش هتحس بانه واطي او مش واضح بس بما ان الحلو مبيكملش فللاسف Dell عشان تحافظ علي رفع الجهاز و الحجم الصغير بتاع الحواف فهي خلت الحافه اللي تحت كبيره و ده الجديد في التصميم حيث ان الجزء اللي تحت فيه الكاميرا الاماميه و السماعات و ده اللي مخليها كبيره شويه
الغريب هو انك لو بتمسك التابلت في وضع ال portrait غالبا هتلاقي نفسك مغطي الكاميرا و جزء من السماعات و لو قلبت التابلت هتبقي ايدك علي الشاشه و بالتالي هتضطر تمسكه في وضع ال landscape سماكة الجهاز الصغيره مخليه وزنه مش كبير حيث ان وزنه 305 جرام بس و ابعاد الجهاز كالتالي
طول 215.9 مللي و عرض 124.2 مللي و سماكه 6.1 مللي
الشاشه 8.4 بوصه 2560×1600 بكثافة بيكسلات 359 ppi من نوع oled الاكثر من رائعه
الجهاز حاليا شغال بنظام 5.0.2 لولي بوب
البروسيسور intel atom quad core 2.3 ghz و رام 2 جيجا
الذاكره الداخليه 16 او 32 و مع امكانيه اضافه كارت ميموري لحد 512 جيجا
الكاميرا الخلفيه 8 ميجا بكسل مع كاميرتين كمان لالتقاط عمق الصوره intel realsense 3D technology اما الكاميرا الاماميه فهي بجوده 2 ميجا بكسل
بطاريه الجهاز غير قابله للازاله و منعرفش هي كام مللي امبير بس Dell بتقول علي موقعهم الرسمي ان البطاريه ممكن تستمر معاك لحد 9.5 من الاستخدام بس انا شايف ان ده اكتر من الواقعي
سعر الجهاز علي امازون هو 300 دولار لنسخه 16 جيجا و 350 دولار لنسخة 32 جيجا
اما بقا نسخه 10.5 فدي بتيجي بنفس الresolution 2560×1600 بكثافه بيكسلات 288 ppi
و الابعاد كالتالي
طول 243.4 مللي و عرض 195.4 مللي و سماكة 6.2 مللي
برضه اندرويد لولي بوب 5.0.2 و نفس البروسيسور و الرام و الذاكره و الكاميرا
بس البطاريه هنا 7 ساعات multimedia
سعر الجهاز 400 دولار لنسخه 16 جيجا و 450 لنسخه 32
فيديو للجهاز https://youtu.be/k0YSlx3AMmg
فيديو لنسخه 10.5
https://youtu.be/xx5LPiQvNjs
اليكم بعض الصور
